[BS] 問﹕香港考BS工程師牌面試嗰陣會問啲乜？

 答﹕

先講一啲正路嘅問題。都係嗰句，建議先睇咗呢篇<香港BS工程師定義及介紹>先。

無論係考香港CIBSE HK Branch 或 MCIBSE+CEng後RRAs被捉去重考翻閹嘅面試 或 直接考HKIE BSS都好，面時時考官最正路嘅問題係問返你自己Engineering Practice Report所寫嘅嘢，即係你咁多年嚟工作上做過嘅嘢。如果你連自己做過嘅嘢都唔熟被人問到口啞啞的話，咁冇人可以幫到你。

如果係飛英國考嘅英國考官，暫時係冇聽聞過佢地會問一啲唔合理嘅問題，佢地都係圍繞住你做過嘅嘢嚟問，個面試純綷係Engineering Practice Report嘅少少延伸及補充；

如果係香港考官的話就好唔同，遇唔遇到正常嘅考官就好睇你運氣，有啲本地考官係好似英國鬼佬咁問得相當正路，有啲問題則...繼續睇落去，讀者自己判斷。

以下收集咗多年嚟响香港考BS工程師牌面試時遇到嘅問題及有趣經歷，包括身邊同學/同事及親身經歷。

------------------------------------------------------------------------------------------------------------

工作以外比較engineering fundamental嘅問題﹕

考官﹕1 ton 即係幾多kw?
考生﹕3.5...
考官﹕3.5幾？我要小數點後三個位。呢個好基本咋喎。
考生﹕唔好意思，我只係記得小數點後一個位，後面嗰兩個位我真係一時唔記得，但我可以即時手計比你，1 ton 即係 2000磅冰 144BTU per pound 融24個鐘。
考官﹕....呀...ok, 算，當你識，唔洗你計。
考生出嚟之後真係以為自己係係計到，返屋企即試下手計一次，發現原來仲有個重要轉換參數(BTU/hr to kW嘅轉換 = BTU/hr/3412.142) 佢係唔記得咗，要記得埋呢個轉換先夠資料計，如果當下考官真係要佢手計出嚟就玩完。
1 RT= 2000 Pounds x 144 BTU per pound / 24 hours = 12000 BTU'S per hour 12000 BTU'S per hour / 3412.142 = 3.517 kW

[呢個故事教訓我地，响香港面試，記得記數字係要記到小數點後三個位。考生最後係過關]

*************************

考官﹕點解Cofficient of performance CoP 係可以細過1, 又可以大過1? 考生﹕我地要睇返First law of thermodynamics, QH=QC+W, in a reversible system we can show that Qhot=Qcold+W and W=Qhot-Qcold where Qhot is the heat transferred to the hot reservoir and Qcold is the heat collected from the cold heat reservoir. COP=Qc/W , 係描述緊 Output/loss 既關係，即時手proof以下換算，可以見得CoPR大過或細過1都係成立(如果QH/QC-1>2, CoPR<1; 如果QH/QC-1<2; CoPR>1)

考官﹕Good (難得香港嘅考官會讚人)

[其實今次答到純屬好運，因為咁啱幾個月前有graduate engineer問過佢，而佢又真係有認真研究完答返人；考生最後係過關，呢個故事教訓我地，有人問你一啲唔識嘅嘢，你去努力搵答案清楚講解返比人聽，係會有回報]

*************************

考官﹕試講講Centrifugal Pump啲水被加壓嘅原理。 考生﹕唔好意思，作為BS Engineer, 我只係識得响乜情況下應該用邊類型嘅水泵，及用泵curve選擇合適嘅水泵，如跟據required pressure head, flow rate, power, NPSHA等。 考官﹕You are not qualified to be an engineer!

[考生最後係因為呢樣嘢fail咗]

*************************

考官﹕你即畫一張Free Cooling schematic 出嚟，及講解成個control流程及原理。 考生﹕(成功畫到及解釋)，可參考 "What is Free Cooling?"

[考生最後係肥咗，因為遇到啲更刁鑽嘅問題唔識答]

*************************

考官﹕請你講述由cooling load計算到coil sizing係點做，唔需要數字，講個原理及過程就得，請攞起你前面嘅紙同筆輔助講解。 考生﹕(成功講解及畫圖)，可參考 "試介紹一下Cooling Load嘅概念"一文及"Psychrometric Chart係點用？點用嚟做coil sizing?"

------------------------------------------------------------------------------------------------------------

以上嘅問題都算係正路，嚟緊嗰啲就...

考官﹕請問張Psychrometric Chart係點做出嚟？ 考生﹕Psychrometric Chart由左至右係sensible temperature, 由上至下係moisture content, 沿住條curve係relative humidity... 考官﹕我唔係問你張Psychrometric Chart上面有啲乜呀﹗我係問你張嘢係點做出嚟呀﹗ 考生﹕Sorry, 我真係唔知。

[考生最後係肥咗]

*************************

考官﹕請你講講做BIPV嘅initial cost, maintenance cost, 慳到幾多電費同回本週期等。(個考生係從來未做過BIPV相關嘅項目) 考生﹕我可以答到你BIPV嘅發電原理，或者同EMSD嘅相關指引內容，包括同現有電力網接駁嘅配套，安全守則，anti islanding等等，但對於啲價錢數字，我冇直接參與過BIPV項目所以唔太清楚，如果公司派呢個設計項目比我去做，我會聯絡BIPV嘅sales engineer/specialist或有合作開嘅QS做個cost proposal. 考官﹕下？﹗搵sales engineer?! 咁我公司請你返嚟做乜？你廢架？你乜都搵人去問你自己就唔識？﹗You! are not a qualified engineer!

[考生最後係肥咗]

*************************

考生﹕(佢係主力做電做lift嘅設計，仲有參與過小量drainage system design, 响一個鐘嘅面試入面，全程都答到考官嘅問題) 考官(佢係某個冷氣設備公司嘅頭目，英文口語都幾唔掂嗰個)﹕我覺得你做電做渠唔係BS嘢囉，我心目中嘅BS係做chiller, water side air side嗰啲，你做電做乜報BS discipline? 你報隔離electrical算啦﹗

[考生最後係肥咗，話說有消防人都遇過類似情況肥咗。結論係做電、消防都有可能被坐BS board班人歧視，因為HKIE係有Electrical及Fire Discipline]

*************************

考官﹕根據BEEO, 一個10kW 3 phase 4 pole motor嘅efficiency起碼要幾多？ 考生﹕大概係90% 考官﹕大乜嘢概呀下？﹗我要你答個數字呀，如果client咁問你，你係用"大概"嚟答client架？ 考生﹕我唔敢肯定個實數，要check返BEEO先知，我冇本嘢响手。 考官﹕咁你返去讀熟啲再嚟。

[考生最後係肥咗] p.s. 個答案如下，from BEEO 2018, 乜背呢堆數字真係有意思？

************************* 

考官﹕你做顧問呢幾年，有冇參與過落標？
考生﹕暫時冇，因為我地公司係要senior engineer先落得標，而升senior嘅條件係有chartered engineer資格。

[考生最後因為呢樣嘢被人肥咗，評語就係寫佢冇落標經驗。但睇得出件事個邏輯係loop死咗，考生要先考到牌後先可能升senior參與落標，但考官又因為佢冇落過標所以唔批佢嘅考牌。亦都見到呢種英式人治嘅考試係冇乜準則，難度所有做顧問冇參與過落標嘅人都唔可以charter?]

*************************

有啲考官係完全唔跟規則考試，除咗上述嘅有趣問題外，仲有啲例子﹕ 明明面試只係約一個鐘，但就問咗兩個鐘零四十分鐘； 又有啲考官考即場寫Essay嘅時候唔講武德，明明HKIE指引係講明應基於考生嘅過往工作經驗出題，但佢地就天馬行空出題(遲啲開topic講考essay會有啲乜題目)；明明指引清楚話係筆試兩個鐘1600字，個考官就話佢冇時間，叫你一個鐘寫夠1600字比佢。Essay會考啲乜詳見<考BS工程師牌最後一步>

*************************

考生﹕(present緊佢畢業後做顧問行完Scheme A, 參與過啲乜project design; 之後佢講佢去咗main contractor做BS engineer) 考官﹕What? 你話你係main contractor度做BS engineer? 乜大判會有BS Engineer架咩？定係我孤陋寡聞？你只係大判一個小小嘅BS coordinator, 唔係BS Engineer呀﹗Stop, 唔需要再present落去, 我對你啲BS coordination 工作冇興趣，開始Q&A, 我只會問你顧問嗰陣做過嘅嘢。

又試過有Main Contractor做嘅朋友考HKIE肥咗，評語係咁寫﹕ "without on site construction management experience" WTF??!! 如果連做大判都冇on site construction management experience (留意佢用嘅字眼，係"without", 唔係"lack of"), 咁點先算有？

仲有要小心嘅係，如果考牌第一次被人用堆"莫須有"嘅罪名肥咗你，下個考官係會攞返上個考官比你嘅罪名反覆蹂躪你，所以係好容易做成肥第一次後形成惡性循環連續咁肥落去。試諗下，第一次考官肥你，佢為咗令你冇得上訴，一般都會寫一大段嘢寫到你一文不值；然後第二個考官又攞住上個考官比你啲罪名蹂躪你，再加上佢自己嘅comment, 萬一再肥，即係考第三次嗰陣係要揹埋上兩次嘅包袱去面試，係難怪有唔少人考咗幾次之後轍底放棄。

一般肥咗一次後，個考官會寫你幾耐之後先可以再入form考過，一般係會寫一年，即係面試後一年就有得再考，但亦有人試過被寫兩年後先有得再考。

响考牌上，有條好清晰嘅鄙視鏈﹕ 政府AE > 私人市場業主(一般都會有consultant經驗) > Consultant > Subcontractor / Sales Engineers > Main Contractor 大判係响鄙視鏈嘅最底層。 去英國考，真係冇啲咁嘅嘢，只要你嘅工作滿足到佢地A-E項嘅competence criteria, 係唔存在位置上嘅歧視。

所以好易留意到，做Main Contractor就算做到BS Manager都好，都係唔易考到MCIBSE+CEng 或 MHKIE, 好多時都係攞咗個MSOE再用個MSOE轉MCIBSE就停咗落嚟。想易啲理解都係參考返<香港BS工程師定義及介紹>。

*************************

考生﹕(present用BIM做cooling load estimation, duct sizing; 再用BIM做Quantity Take Off QTO數料) 考官﹕妖(唔係我加上去，佢真係咁講)，BIM咪即係3D CAD, 即係你做draftman啦。 考生﹕..... [有啲香港考官就係無知到咁嘅程度，連最近有啲乜BS新工具做engineering analysis都唔知，總之欺壓咗你先]

------------------------------------------------------------------------------------------------------------

暫時淨係諗返係呢啲，日後記起的話再補充。