氣候變化對避雷系統設計的影響

2024年6月23日凌晨因電力不穩，元朗至深圳的40萬伏特架空供電系統出現短暫電壓驟降，導致部分大廈一度停電。電力公司表示懷疑受到不穩定天氣影響。[1] 盡管事件依然在調查當中，但是極端天氣對機電系統設計的影響卻值得深思。

依據機電工程署的電力(線路)規例工作守則[2]，建築物的避雷裝置可參考IEC 62305、AS/NZS 1768、NFPA 780等標準，而行內普遍選用IEC 62305作設計標準[3]。在設計相應的避雷系統前，往往需要先計算該建築物的被雷擊風險(Risk)系數是否在可承受的數值之下。如否，則施加不同的裝置及/或措施去降低被雷擊的風險系數至可承受的數值之下。

在計算的過程當中，每年的雷暴日數(Thunderstorm days per year)是一個影響特別明顯的參數。該參數需要參考香港天文台數據[4]。

	日數
平均每年雷暴日數 (1961 - 1990)	33.47
平均每年雷暴日數 (1971 - 2000)	37.1
平均每年雷暴日數 (1981 - 2010)	38.6
平均每年雷暴日數 (1991 - 2020)	42.27

從天文台數據可見，每年的雷暴日數是有上升的趨勢。較舊的建築物於設計時採用當年的天文台數據去計算被雷擊風險系數及設計相應的避雷裝置。如該設計只是剛好滿足當年的要求，在今時今日的氣候下，該建築物可能被雷擊的風險或已升至可承受的水平之上。情況有如設計上可應付百年一遇洪雨的去水系統需要應付五百年一遇的洪雨。

如大廈內的機電設備經常因雷擊而故障，建築物擁有人可考慮與合資格的工程公司加強避雷系統，亦可考慮增加不間斷電源裝置(UPS)及有過渡電壓驟降能力(Ride through)的設備去抵禦電力公司供電系統出現的電壓驟降[5]。

筆者: L君

[1] i-cable - 中電電壓驟降
[2] 機電工程署 - 電力(線路)規例工作守則 
[3] IEC - IEC 62305
[4] 香港天文台 - 自1947年錄得的雷暴日數
[5] https://www.clp.com.hk/en/power-quality/tips

升降機的活塞效應(Piston effect)

近日，有立法會議員提議將港鐵計劃興建的通風大樓設置於地底[1]，引來建造業界不少討論 [2] [3]。其實，部分於列車隧道通風系統設計時的需要考慮的情況，於升降機的設計中亦同樣會出現。

隨著技術進步，新安裝的升降機運行速度愈來愈快，而升降機高速(3.5 m/s及以上)運行時會對升降機井道內的空氣造成擠壓，令空氣需要高速流入及流出，從而出現活塞效應 (Piston effect)。如果沒有適當的處理，升降機高速運行時所擠壓的空氣可以產生噪音，使升降機的外門震動，及於升降機的外門邊洩出並影響升降機大堂附近的空氣流動，可以嚴重影響大廈使用者的體驗。[4]

面對這種情況，有數個可行的解決方法:

1.  調整升降機及其井道的比例，使空氣可以於升降機旁的空間移動，減低空氣被擠壓出升降機井道外的機會。

2.  對於同一井道有多台升降機施加程式限制，避免多台升降機同時於同層向同一方向移動。

以上兩個方法都各有限制。方法一有可能被大廈的設計所限，未能預留足夠空間。方法二則無法應用於井道內只得一台高速升降機的情況。

最徹底的解決方法則是於升降機井道內(最好是靠近井道頂端及底部)設置一定面積的通風口(Louvre)，令被擠壓的空氣可以於該處流走。心水清的朋友應該會發現這個解決方法與港鐵通風大樓的原理是差不多。

筆者: L君


[1] HK01 - 議員倡中環海濱港鐵通風樓改設地底
[2] 張欣宇 Gary - 隧道通風樓的功能
[3] 我係 "橙葉測量師" - 地鐵通風樓
[4] Elevator World MK - Piston Effect English

機電佬睇HKIE換屆選舉

本年度的香港工程師學會(HKIE)換屆選舉將會於6月25日舉行。從收到的選舉資料中，今年有二個候選人角逐一個副會長(Vice President)職位，及九個候選人角逐五個理事(Elected Ordinary Member)職位。這十一個人分屬兩個團隊。大部分候選人都是土木，岩土或結構背景。這兩個團隊都各有一個機電背景的候選人競逐EOM，算是都有候選人代表HKIE內約三分一有機電背景的會員。

盡管這些候選人都是資歷深厚，經驗豐富，服務學會多年，選舉資料中卻沒有列出政績及政綱。即使參閱兩個候選團隊其他選舉資料如facebook, linkedin, Instagram等，仍然找不到相關資料。其中一個候選團隊雖然有於linkedin列出5項倡議，但內容籠統，未能具體反映候選人對學會未來發展的願景及承諾。[3] 作為專業工程師，我們期望候選人能提供清晰的計劃和目標，以及如何實現這些目標的具體策略。

作為具投票資格的會員，我們有權利也有責任仔細審查每位候選人的選舉資料。筆者期望各候選人能提供過去為HKIE擔任公職時的政績，而非僅是所擔任的公職及頭銜。筆者也期待各候選人能提供具體的政綱，而非僅是口號及內容不清晰的倡議。

筆者﹕L君




參考資料﹕
1: 共建明天 - HKIE VP EOM Election 2024 
2: 薪火相傳 - HKIE VP EOM Election 2024

[3]: 第一隊於6月19日透過HKIE官網補充參選資料

HKIE會員違紀投訴探討

嚟緊6月29日，HKIE會舉行"Stakeholder Engagement Workshop for HKIE Governance Review"，探討學會管治、入會(考牌)、會員紀律等問題。新會長即將上任就有所行動搜集意見，似乎會有一番新景象，實在令人期待及鼓舞。當中嘅考牌問題筆者之前已大量撰文分析問題癥結所在 [1]，今次比較有興趣嘅話題係會員紀律問題。 HKIE有冇資格開board審違紀嘅會員，甚至吊銷或開除佢地嘅會員資格？當然有。我地睇返「HKIE The Ordinance and Constitution (Aug 2022)」[2] 13.(4) “The Council shall…appoint a panel from which Boards of Inquiry…improper conduct of a member...” 有興趣嘅讀者可到註釋查閱原文。 何謂 improper conduct? 除咗上述文件13.(5)提及嘅觸犯刑事罪、以虛假資料獲得會員資格等外，仲要睇埋12. 指向嘅「HKIE Rules of Conduct (May 2023)」[3]。即係「HKIE The Ordinance and Constitution」係母法，而「HKIE Rules of Conduct」係基於母法嘅子法。至於成個審訊流程係點，就要睇「HKIE The Ordinance and Constitution (Aug 2022)」13.(4) (6) (7) 指向嘅「HKIE Disciplinary Regulations (Apr 2013)」[4] HKIE有冇一啲公開資料或紀錄，好似醫委會咁[5]，係可以翻查到有會員被開board審過嘅紀錄？以HKIE為例，真係搵唔到。雖然有幾單零星嘅工程師註冊管理局 Engineers Registration Board ERB 開board紀錄可以响HKIE月刊[6]或ERB官網搵到，不過都係先法庭有裁決嘅情況下，ERB 再補飛暫時吊銷佢地嘅 R.P.E.。順帶一提，HKIE開board同ERB開board係兩回事嚟，後者係跟據 Cap. 409 Engineers Registration Ordinance 21."Inquiry committee and rules of conduct" 成立嘅研訊委員會。如果一個工程師只係攞咗 MHKIE，但冇攞 R.P.E.，意味住 Cap. 409 係管唔到佢地，只有 HKIE 管到。 近期有單各大工程群組流傳[7]，某個女工程師以假公司及假項目經 ECUK RRA 獲得 MHKIE 及 R.P.E.。據悉係有人向 HKIE 及 ERB 投訴並詳述事發經過[8]，但結果係 HKIE / ERB 反過嚟要求投訴人證明為何呢啲項目係唔存在、為何呢啲資料就係屬於被投訴人。 下？？﹗﹗你要投訴人點證明不個唔存在嘅項目係虛構？係唔係 HKIE / ERB 開board翻查下該會員提交過嘅資料(包括ECUK)就得？或要求被告書面回覆並指出該項目嘅位置及公司資料，只要佢講唔出就足以證明其提交嘅係假資料？如果 HKIE / ERB 用呢種萬能邏輯處理投訴，應該任何投訴都唔會開board；甚至係唔可能再有人會被指控"以虛假資料獲得會員資格"，因為HKIE一早就知有人提交假資料的話，入會嗰下已經攔咗佢；肯定係收到有人投訴先會去查，而唔會係HKIE冇事搵事做。 HKIE / ERB 可以如何改善？ 我地可以 Learn from the Best，睇下人地醫委會係點處理投訴。就以最近期嘅一單為例[5]，筆者做咗以下個表以便讀者理解﹕

被告	Dr L
研訊委員會成員	Dr C Dr Y Dr W Ms L, MH, JP
被告控罪	被告 Dr L，將佢旗下醫療集團服務嘅四個醫生卡片放上 facebook 專頁，有違註冊醫生專業守則 [9]
案發經過	投訴人K send 條facebook link 到醫委會投訴，認為有人可能兜攬生意。 醫委會秘書接獲投訴，cap圖交予紀律研訊小組處理。 被告Dr L承認個facebook係佢嘅，但啲相係佢老婆影，佢唔知情。收到委員會通知後，佢即時採取補救措施永久關閉頁面。
調查結果	《香港註冊醫生專業守則》[9] 清楚寫明﹕ “業務宣傳意指對醫生、其業務或其團體的專業服務作出宣傳...在這前提下，醫務委員會以最廣闊的層面來詮釋業務宣傳的意思，包括...在本港...為該醫生或其業務進行宣傳 ...不論他是否實際上因有關宣傳而獲益，都可能會被視為業務宣傳。” 上訴法院就陳曦齡訴香港醫務委員會 [2009] 4 HKLRD 174一案第46段中恰當地指出： "倘若在進行其他活動時牽涉到他的醫生身分或地位，則理應預計會受到道德或專業規範的約束..."
量刑	除牌1個月緩刑6個月並刊憲。判詞全文上載於醫委會官網。

可以見得，睇落好芝麻綠豆嘅小事，只係有個醫生將佢旗下醫療集團服務嘅四個醫生卡片放上 facebook 專頁，呢啲投訴醫委會一樣會開board處理；而被投訴人及其罪名、研訊委員會成員、事情經過、調查結果、量刑等等，成個過程係有文字紀錄及放上網比公眾查閱。呢啲就係公開、透明、紀律嚴明委員會嘅作用，可以有效規範專業人士嘅行為，從而提升普羅大眾對該專業嘅形象。

假設，我再次強調係假設，「HKIE Rules of Conduct」入面同都有一條類似嘅不得做個人宣傳守則，我地跟據 HKIE / ERB 過往處理投訴所用嘅萬能邏輯，可以預判到佢地會點覆﹕
"請你投訴人證明一下，為何相中人就係L工程師"
"為何你認為呢條 facebook link 一定就係係同 L工程師有關"
"請投訴人證明，為何 facebook 上有卡片，就會聯想到與宣傳有關" etc.
萬能邏輯係可以用嚟拒絕處理任何投訴。

會長或理事會成員要清楚知道，投訴人好可能只係外行人嘅 layman，有時只係憑常識判斷有工程師做咗啲唔合理嘅嘢所以進行投訴。既然如此，就唔可能要求投訴人好似刑事案件咁，有公權力嘅警察負責搜集證據、有專業嘅律政司負責檢視證據並起訴；而係應該學醫委會咁，由HKIE自己主動成立委員會去調查及搜集證據，尤其涉及一啲只有 HKIE / ERB 內部能夠接觸到嘅資料。要知道呢類內部資料，即使係警方都好可能要有法庭令先接觸到，更何況一個只係普羅人眾嘅投訴人。眾所周知，民事訴訟嘅起訴門檻係比刑事低得多，而類似醫委會咁執行 in house rules 嘅門檻又比民事訴訟再低一啲。如果下下子要求投訴人提交刑事案件證據嘅標準先肯處理投訴，應該永遠都唔會有投訴係需要處理。

另外，HKIE / ERB 拒絕處理上述以假資料獲得 MHKIE / R.P.E. 嘅投訴，係開咗一個好壞嘅先例，以致業界已經有人揚言要蠢蠢欲試，欲複制上述女工程師做法。即使 HKIE / ERB 收唔到投訴，呢啲公眾事件都應該主動處理及澄清，而唔係拙劣嘅回應或不作為，任由事件發酵，進一步破壞香港工程師嘅專業形象。

如果有啲HKIE會員違規但唔太惡劣嘅行為，如筆者工作上有個下下下下家(其負責人係HKIE會員)有啲位佢唔想跟工程合約交貨，就搵中間人接觸我想私底下傾掂數，由於佢又冇行賄未夠證據告上ICAC，但呢啲行為明顯係有違「HKIE Rules of Conduct」提及嘅專業操守 。如果呢啲case HKIE會考慮開board予以口頭警告，或好似醫委會咁，判其除牌三個月但緩刑兩年，並將事件以文字紀錄及放上網比公眾查閱，應該可收阻嚇作用及提升專業形象。

最後，有幾多個 layman 知道可以經乜渠道投訴工程師？我相信就算係HKIE嘅會員，應該都唔會好多人識得搵 Division & Special Affairs 個電郵[10]、唔會識得翻查「HKIE The Ordinance and Constitution (Aug 2022)」及「HKIE Disciplinary Regulations (Apr 2013)」等文件及長篇累牘嘅流程。

如果想改善會員紀律問題，重新審視呢單以假資料呃會員資格嘅投訴，會係一個好開始。

[1]: 見作者前文<HKIE RRA 形同虛設 之 考官自訂遊戲規則>；<為何被HKIE Fail 嘅考生會唔服氣>；<考牌的禁忌話題 - 買簽名>；<以真實數據揭示獲得MHKIE的時間>；<考工程師牌遇到唔合理嘅待遇，有冇上訴機制？>

[2]: HKIE The Ordinance and Constitution (Aug 2022)

[3]: HKIE Rules of Conduct; (Google搵到個新啲嘅2003年版本；MHKIE會員Login反而只有2001年版)

[4]: HKIE Disciplinary Regulations;

[5]: 香港醫務委員會 投訴及紀律研訊 二零二四年醫務委員會研訊小組的裁決 2024年4月16日

https://www.mchk.org.hk/tc_chi/complaint/disciplinary.php?type=j&year=2024

[6]: HKIE Vol 48 Jun 2020 “Others” “Public Notice Engineers Registration Board”;
HKIE Vol 54 Apr 2024 “Others” “Public Notice Engineers Registration Board”;

[7]: LIHKG - 唔通靚女就可以係工程界打橫行?，全文要會員登入先可以睇到；

[8]: 據悉被告兜售其考牌報告欲從中獲利，有購賣者發現佢某一年嘅工作經驗、公司及參與項目都係子虛烏有 - "The project "Fuyuan Residential Buildings, Shunde, Guangdong, China" (Responsible for building services on-site construction and management works. It is a 15 floors residential building with car park and swimming pool, GFA is about 13,450 m2) and company "Jianjin Development Limited" mentioned in her report submitted to the Engineering Council (UK) never existed in reality; she invented these names herself."

[9]: 香港註冊醫生專業守則https://www.mchk.org.hk/tc_chi/code/files/Code_of_Professional_Conduct_(Chinese_Version)_2022.pdf

[10]:   HKIE - https://hkie.org.hk/zh-hant/connect/contact/

適合於考工程師牌(CEng / CPEng / MHKIE) 前考的細牌

工程師牌以外，機電工程/屋宇設備工程行內也有很多不同的資歷適合未有牌的工程師申請。這些資歷可以在考牌時增強自己在某些範疇的說服力，亦可以表達出自己是不斷進修，更可以算作CPD的時數，可以說是一舉數得。

註冊電業工程人員 (俗稱電牌) (Registered Electrical Worker)

在香港，涉及固定電力裝置的電力工程必須由註冊電業工程人員進行。持有註冊電業工程人員的牌照無疑可大大增強自己在電力工程知識及經驗的說服力。

發牌/監管機構: 機電工程署 (EMSD)

申請要求: [1] CPD時數: 所有註冊電業工程人員在每次遞交註冊續期申請前，須完成網上持續進修訓練平台的練習或機電工程署的訓練課程。可獲得一至兩小時的CPD時數。

持牌水喉匠 (Licensed Plumber), 註冊水喉技工 (Registered Plumbing Worker)

持牌水喉匠可申請建造、安裝、更改、或拆除消防供水系統或內部供水系統。可幫助獲得水喉及消防工程相關的工程師牌。

發牌/監管機構: 水務署 (WSD)

申請要求: [2] CPD時數: 坊間有為預備考水喉匠的人而開辨補習班。可獲得數十小時不等的CPD時數。

綠建專才(BEAM Pro), 美國綠建築專業人員(LEED AP)

綠色建築愈來愈流行，香港常見的BEAM Plus及LEED都需要相關資格才可為建築物註冊為綠色建築。環保及綠色設計也是近年考工程師牌時經常出現的題目。拎有綠色建築專業的牌照就可以更容易回答這些的問題。

發牌/監管機構: 香港綠色建築議會 (HKGBC), 美國綠色建築議會 (USGBC)

申請要求: [3] [4] CPD時數: 申請BEAM Pro及LEED AP均需修讀該會提供的課程並考試, 可獲得由數小時至數十小時不等的CPD時數。

建築信息模擬經理 (CIC-Certified BIM Managers CCBM)

BIM是另一個近年流行的建造業新寵，常見於公務工程，亦開始於私營市場普及。如工作上對BIM有所觸，獲得與BIM有關的資歷也是值得於考工程師牌時提及。

發牌/監管機構: 香港建造業議會 (CIC)

申請要求: [5] CPD時數: 申請需修讀該會提供的課程並考試, 可獲得數十小時的CPD時數。

NEC4 ECC Project Manager

新型工程合約(NEC) 是另一個近年流行的建造業新寵，常見於公務工程。如工作上對NEC有所觸，獲得與NEC有關的資歷也是值得於考工程師牌時提及。

發牌/監管機構: 香港建造業議會 (CIC)

申請要求: [6] CPD時數: 申請需修讀該會提供的課程並考試, 可獲得32.5小時的CPD時數。

建造業安全訓練証明書 (俗稱平安卡, 綠卡) (Safety Card)

進入工地需持有有效建造業安全訓練証明書。

發牌/監管機構: 勞工處是監管機構，認可訓練課程營辦機構 [7]

申請要求: 參閱認可訓練課程營辦機構的內容

CPD時數: 新註冊可獲得7.5小時CPD時數。續期可獲得3.5小時CPD時數。

安全督導員 (Safety Supervisor)

一定規模的工程都會要求各個承辦商於該項目提供安全督導員。考工程師牌時可以提升自己如何管理地盤安全。

發牌/監管機構: 認可訓練課程營辦機構

申請要求: 參閱認可訓練課程營辦機構的內容 [8]

CPD時數: 可獲得數十小時CPD時數。

筆者﹕L君



延伸閱讀﹕<[BS] 問﹕除咗BS工程師牌外，仲有邊啲BS相關嘅牌照值得考？>

註:
[1] https://www.emsd.gov.hk/tc/electricity_safety/how_to_apply/registering_as_an_electrical_worker_for_electrical/index.html
[2] https://www.wsd.gov.hk/tc/plumbing-engineering/licensed-plumbers/how-to-apply/application-for-licence/index.html
[3] https://www.beamsociety.org.hk/zh-HK/education/beam-pro-training
[4] https://support.usgbc.org/hc/en-us/articles/4404371728019-About-the-LEED-AP-with-specialty-exam
[5] https://www.bim.cic.hk/zh-hant/certification_and_accreditation/certification_manager_introduction
[6] https://www.hkic.edu.hk/zh-hk/programmes/pro-dev/mgmt/nec4
[7] https://www.labour.gov.hk/tc/osh/mbstcw.htm
[8] https://certification.oshc.org.hk/ASS.html

CPD 分享 - HKIS Contractual BIM

筆者之前寫嘅文多數都係節錄以往嘅讀書或考牌筆記。畢竟個人知識能力有限，之後會嘗試分享一啲有趣或有價值嘅 Continuing Professional Development CPD 。今次 HKIS 搞嘅 Contractual BIM 就係有趣及有價值 CPD 好例子，我會以BS工程師嘅角度同大家分享所見所聞。 講起有價值嘅 CPD，即係有啲係冇價值嘅 CPD。參與過 HKIE CPD 活動嘅人都知，有時去到個演講嘉賓只係對住本 code / guidelines 唸經嘥大家時間。點解咁無謂嘅 CPD 都要搞？原因有可能係學會 Division 每年要追舉辨 CPD 數量嘅 KPI [1]，與此同時已獲得 MHKIE 嘅人每年要儲夠30個鐘 CPD (行緊 Scheme A 嘅要45個鐘) 兼且有審查機制 (有好幾個朋友被 HKIE 抽樣審查過)。就係咁，唔少情況下，兩者都係為做而做一拍即合。另外，筆者覺得舉辦線下活動嘅目的，就係為咗多啲面對面嘅交流，如果只係純綷知識分享，放個ppt及講稿上網比人自己睇已經得，唔洗嘥車錢嘥時間走一趟。好多時 HKIE 嘅活動搞手唔擅長現場交流嘅管理，以致好多人知道可以攞到張 CPD cert. 後就一哄而散。响呢度亦想提提打算儲 CPD 嘅 HKIE 會員，其實唔需要執著攞張 cert.，揀啲自己想聽嘅活動去就得。話說下x屆HKIE會長[2]陳帆曾經公開場合講過，好多種類嘅活動都計 CPD [3]﹕自己讀書睇書又計數、我呢啲寫 blog 分享都計、公司 in house training、甚至隔離位個同事幫你上堂亦計，只要你留返個紀錄就得；當然，筆者準備分享嘅 HKIS Contractual BIM 呢啲同行但唔係 HKIE 舉辦嘅 CPD 都可以計數。所以，筆者從來冇擔心過被 HKIE audit CPD。 講返正題，乜嘢叫 “Contractual BIM”? 簡單嚟講，即係個 BIM 會 contract binding。以常見嘅 Lump Sum Contract with Drawings and Specification [4] 為例，過往只有 Drawings (2D pdf hard copy) 及純文字版嘅 spec. 係構成合約；但今年以後嘅政府工務工程 [5]， BIM 都會成為合約嘅一部份。一直以嚟即使 Consultancy Agreement 有要求顧問嘅工程師用 BIM 都好，佢地多數只係沿用舊方法，即係 2D 出圖，然後搵 BIM team 求其起個模交功課，圖紙唔係由 BIM 直接生成。顧問呢啲取巧做法，如果單 project 涉及上萬張圖紙，作為甲方嘅業主係唔容易逐張圖同佢地對係唔係由 BIM 做 drawing generation，有時甚至係怕誤咗項目個大期，即使知道佢地取巧都唔敢捉。佢地今日敢 2D 3D 分家嘅主要原因係 - 過往顧問出 Tender 個 BIM [6] 只係比判頭 for reference only，甚至唔比個 BIM 佢地都得，design stage 個 BIM 係完全唔構成合約嘅任何一部份。但 BIM 要 Contract binding 後，相信上述取巧嘅做法會成為絕响，顧問工程師不得不認真對待個 BIM，因為個 BIM 畫多、畫少、畫漏、畫錯任何嘢，都可以成為判頭 claim VO 嘅理由。 今次個 CPD 係業界中人分享一個私營項目 BIM Contractual Binding 嘅實戰心得，筆者歸納 BS工程師值得注意嘅重點﹕ 1. 對大判嘅合約會用以下一段文字，雖然有啲長，但照quote晒出嚟，我認為係成個 CPD ，甚至係目前為止 BIM Contractual Binding 最精華核心嘅部份﹕ "The Main Contractor shall note that not all the scope of works are shown in the BIM model and in case there are discrepancies for particular elements / items of works found between the Contract Drawings and the BIM model, the Main Contractor shall refer to the “List of BIM Model Elements” and “Revit Structural QTO model - Notes on use” as attached the Drawings for the elements / items of works being taken precedent under the Contract Drawings of the BIM model. For any information of elements / items of works not being shown in the BIM model, the Contract Drawings shall prevail” 即係界定清楚，只有個 BIM 入面嘅某啲指定部份 (model / information) 先係Contractual Binding，而唔係成個 BIM 任何部份都 Contractual Binding，呢點可以令甲方更為放心；至於 BIM 入面唔會有嘅嘢，如 construction details，就指返向傳統圖紙。 2. 暫時佢地只係鋼結構、石矢結構、建築圖紙係 BIM Contractual Binding， BS等機電暫時係冇包在內。原因係，Contractual BIM 要向前行一步，點都要搵啲佔單project個價有返咁上下比重、大大件而又相對簡單嘅嘢行先，上述嘅建築/結構就乎合呢啲條件；BS 機電嘢處理起嚟會相對複雜，如 MiMEP 或某啲系統 ，好多時顧問出標嘅設計階段係做唔到 detail design，要交由 construction stage 個 contractor Design & Build 或 specialist contractor 做深化設計，呢啲情況下行 Contractual BIM 嘅意義不太大。換言之，以機電嚟講， tender design 部份同個 as-built 越接近，行 Contractual BIM 越有價值。 3. 行 Contractual BIM ，顧問費肯定要加。現時進行中嘅工程顧問合約，好多時顧問係唔負責更新 design stage 個 BIM [6]。佢地 construction stage 點出 Architect Instruction AI? 一般係顧問人手 mark 修改落 tender / contract drawings 嘅 2D 圖紙，然後飛紙仔比 contractor，同一時間顧問嘅 CAD team 跟據呢啲紙仔更新 2D GBP / drawings，最後用呢堆 2D 入 final statutory submission。日後要求顧問以 BIM 出 AI 及對 VO 數，意味住佢地到 construction stage 都要實時更新 design stage 個 BIM，服務多咗，自然顧問費會多咗。加完顧問費對件事有冇幫助？演講嘉賓們係比出肯定嘅答案，認為除咗目前提升咗成單工程嘅效率外，長遠而言，係能夠推動成個建築工程行業健康發展，落標嗰陣雙方嘅訊息更準確透明，業主可以少花冤枉錢、承建商亦唔洗靠估估下撞手神先賺到錢。如果要進一步量化 Contractual BIM 帶嚟嘅好處，我諗可能要搵學院嘅教授們做 studies / research 深入分析先得。 4. Contractual BIM file format 問題，採用 openBIM 係未來嘅方向。先講講乜嘢係 openBIM。我地平時用開嘅 BIM 軟件 Revit， save 出嚟嘅係 *.rvt 檔，呢隻係 Revit 專用嘅格式。openBIM 係一個 BIM 共通格式規範 *.ifc，任何軟件都可以管理或修改 BIM 個 *.ifc 檔。舉個比喻，就有啲似 AutoCAD 年代嘅 *.dwg 檔，*.dwg 係某一家公司嘅檔案格式；但 *.pdf 就係一種開放嘅檔案格式，大家都可以自由開發可讀取或修改 *.pdf 檔案嘅軟件。不過 openBIM 並唔係十全十美嘅檔案格式，首先 *.ifc 出唔到 2D 圖紙，好難想象未來十年甚至廿年嘅建築現場施工 / A&A works 係可以完全離開 2D ；另外，save *.ifc 檔嗰陣，無論用任何版本嘅 ifc [7]，都會出現難以預計嘅 data loss，即係 save 完做 .ifc 後個 model 會有邊舊嘢冇咗/爛咗/斷開咗，邊啲 information 冇咗，係難以估計；再者，*.ifc 雖然理論上係可以攞去其他軟件 edit，但實際上唔係咁易，存在好多 bugs。就好似你將個 excel file save 做 pdf 檔後有嘢要再修改，你唔係修改個 excel ，而係修改個 pdf。係唔係修改唔到？唔係，顧問們最常用嗰隻廉價軟件 PDF XChange Editor 已經修改到；但你話好用咩？一啲都唔好用，改一、兩隻字都仲可以，如果要加多一行，保證煩到你喊。順帶一提，EMSD 下年將會出 BIM-AM Standards 4.0，當中主要係更新 openBIM 嘅應用。可見得，openBIM 肯定係主流方向，但目前仲有好多難題係未克服。 後記﹕筆者每次向行業中人提及 BIM Contractual Binding，佢地都會表示恐懼及震驚。我覺得既然係大趨勢，倒不如主動啲去迎接，就好似2017年發展局強制3,000萬以上嘅工務工程強制行BIM開始，建築數碼化係一個不可阻擋嘅趨勢嚟，嚟緊仲有一系列嘅強制性 BIM 要求陸續有來，如 BD BIM GBP submission 等 [8]。同時見到 BS 行 BIM 係相對走得較後，一嚟 BS 係難以脫離建築/結構獨立存在；二嚟 HKIE BSS 界幾乎冇人投入 BIM 嘅發展或建立行業標準指引，有嘅一個半個都只係為自身利益，唔係為行業發展[9]。咁我地 Building Services 以後 BIM 發展可以何去何從？睇嚟筆者惟有寫多啲 BS工程應用 BIM 嘅分享。 嚟緊 HKIS 好似會有政府 pilot projects BIM Contractual Binding 嘅分享，筆者有幸能參與的話，會及時為大家更新。

[1]: HKIE BSS Division, past sessions, Chairman’s Report: https://www.hkie-bsd.org/en/content.php?wid=4

[2]: 昔日東方 - 政情：工程師學會交棒 副會長輪到陳帆

[3]: HKIE CPD: https://www.hkie.org.hk/zh-hant/quali/cpd/

[4]: 見筆者前文<香港Building Contract合約形式>

[5]: 其實都唔係啲乜新鮮嘢，2021年發展局 DevB Technical Circular (Works) No. 2/2021 已經咁寫﹕ - …ultimate goal to include BIM models as part of tender information for electronic tendering (e-tendering) and make them contractually binding. 聽聞今年2024年嘅 Technical Circular 會搣走 "ultimate goal”, BIM Contractual Binding 將正式落地

[6]: 筆者盡量用簡單易明嘅字眼。至於DIM, cPIM 等 BIM 世界專業字眼，可以參考 CIC BIM Standards - General (Version 2.1 – 2021, with Hong Kong Local Annex of ISO 19650-2:2018) 。筆者係制定呢本standards嘅Person-in-Charge (PIC)。

[7]: https://technical.buildingsmart.org/standards/ifc/ifc-schema-specifications/

[8]: https://www.devb.gov.hk/filemanager/en/content_2373/BIM-Book-content-en.pdf

[9]: 見筆者前文<如何面對工程界職場霸凌？> CC君嗰段

行HKIE Scheme A有冇用?

先講結論，對機電相關界別的畢業生來說，近乎無用。

HKIE Scheme A 的正式名稱是工程畢業生培訓計劃，最主要的用途是完成2年的培訓後只需額外2年相應工作經驗就可以以最少四年的工作經驗滿足應考MHKIE要求。如沒有接受Scheme A培訓，工程畢業生需要最少六年的工作經驗才符合應考MHKIE要求。

筆者於另文 “以真實數據揭示獲得MHKIE的時間”[1]曾提及HKIE 3個機電(BSS，ELL，MCL) 相關界別於2021及2022年時獲取MHKIE時的平均年資為12.6年至14.4年不等，這些人大部分都曾接受Scheme A培訓。換言之，大多數機電界別的工程師獲取MHKIE時的年資都遠多於6年，所以以Scheme A培訓提早獲得MHKIE的說法實在難以成立。即使是能力優秀，出身良好，人脈強勁如歷年HKIE President's Protégés Club (師傳薈)成員[3]，經筆者考究，亦甚少人在6年內以直考方式獲得MHKIE。(在PR及marketing角度，頗為倒米。建議HKIE可考慮師傳薈成員都必需要直考MHKIE，以增宣傳之效) 事實上，絕大多數新牌MHKIE都是以 “專業資格互認協議 (RRA)”途徑獲得[1] [2]。如果打算先考外國牌再轉MHKIE的話，Scheme A的作用就更聊勝於無。

除卻考牌，在機電方面，Scheme A還有若干用途，例如註冊成為電業工程人員(REW) 及註冊能源效益評核人(REA) 。

Scheme A是申請C級電業工程人員最快捷的路徑的其中一項要求。如果沒有scheme A，則需額外兩年經驗才滿足REW(C0)的要求 [4]。(REW(C0)及MHKIE(ELL)的要求相近，可是以4年經驗獲得REW(C0)的人多，以4年經驗獲得MHKIE(ELL)則極少，實在奇怪，值得思考)

Scheme A亦可被視作註冊能源效益評核人(REA)的專業訓練，然而，即使沒有Scheme A，坊間仍有其他訓練課程可滿足相同要求。[5]

此外，Scheme A也是小部分公營機構職位如政府助理工程師的入職要求之一。可是，如果不打算應考政府助理工程師，以Scheme A作為入職要求的工作其實並不多。

相對考牌及申請其他專業資格，Scheme A有2年較為穩定的時間可以學習各種知識，有如打機的新手村保護給新手累積經驗，已經是筆者所能想到Scheme A的僅有好處。值得注意的是，近年受適齡學生減少，移民潮，大學畢業生從事非工程界等等因素影響，很多工程公司都難以聘請到足夠及適合的大學畢業生入行。這個情況對初入行的工程師形成一個另類保護，對不合理的工作要求如OT，又或者爭取自己想做的項目有更大的話語權。如果把這種行情也納入考慮的話，那Scheme A所能帶來的好處要不是作用有限，就是有替代品了。

可能會有人認為，不要那麼功利，整天計較完scheme後可以申請甚麼資格，Scheme A 的意義應是在於為工程畢業生提供有系統的專業訓練並吸取工作經驗。然而，坊間有不少公司因為各種原因，提供不到相應訓練但又聲稱已完成訓練的情況實在是比比皆是。筆者只能夠說，如果一間公司/機構是能夠提供到有系統的訓練于工程畢業生，那一間公司/機構是不會因為沒有Scheme A而無法提供。反之亦然，如果一間公司/機構無法提供到有系統的訓練于工程畢業生，那一間公司/機構亦不會因為有Scheme A而能夠提供。

筆者: L君

[1] 以真實數據揭示獲得MHKIE的時間
https://elvissharing.blogspot.com/2024/03/blog-post_14.html

[2] 經RRA獲得MHKIE: 一系列不為人知的途徑
https://elvissharing.blogspot.com/2024/03/rramhkie.html

[3] The HKIE President's Protégés Club 師傅薈
https://www.facebook.com/HKIEPPC/?locale=zh_HK

[4] 註冊成為電業工程人員https://www.emsd.gov.hk/tc/electricity_safety/how_to_apply/registering_as_an_electrical_worker_for_electrical/index.html

[5] 註冊能源效益評核人申請資料https://www.emsd.gov.hk/beeo/tc/form/ee/Form%20EA1%20(Rev.%2008_22).pdf

工程師 (MHKIE / CEng / CPEng) 考牌時間表及面試形式

筆者收集了不同的行家朋友近年考到牌的時間表及面試形式，相信對正預備考牌的人可以有一些參考作用。

由入紙(Application submission) 到面試 (Interview)

IMechE: 2-3個月
EA: 2-4個月
CIBSE: 6-8個月
HKIE: 5-8個月
IET: 6-12個月

由面試 (Interview)完到出result

IMechE: 2-3個月, 以電郵通知
EA: 面試後, 即場出result
CIBSE: 3-6個月, 以電郵通知
HKIE (註2): 3-4個月, 以信件通知。如果考生以信用卡交考牌相關費用，面試後可留意信用卡有冇被收取member subscription fee。收取member subscription fee會早於信件通知。如被收取該費用, 即代表考牌成功。
IET: 2個月內, 以電郵通知

面試形式

IMechE & IET: 可選擇於香港面對面型式的面試；或網上視像形式的面試，考官來自世界各地
EA: 有於澳洲面對面的面試；及於網上以視像形式的面試，只有澳洲panel
CIBSE: 有於香港面對面，香港panel評核的面試；及於網上以視像形式，英國panel的面試。原則上香港考生只可考香港panel
HKIE: 只有在香港，面對面形式的面試

獲知申請進度
IET，EA: 考生可於該學會的網上平台留意自己的申請進度。
IMechE，CIBSE: 考生如需知道自己的申請進度，需電郵問IMechE/CIBSE的職員。HKIE:需要打電話問HKIE的職員，無法於學會的網上平台獲知自己的申請進度。

筆者﹕L君

以上資料，只供參考，如有不實， 恕不負責。有關考牌流程所需的確實時間及面試形式，建議諮詢相關學會。

註:

1. 以上資料，只供參考，如有不實， 恕不負責。有關考牌流程所需的確實時間及面試形式，建議諮詢相關學會。
2. 有關HKIE的時間，只限於以RRA方式考牌, 有interview, 及機電相關界別 (BSS, ELL, MCL)
3. IMechE 為Institution of Mechanical Engineers 縮寫
4. EA為Engineers Australia 縮寫
5. CIBSE為Chartered Institution of Building Services Engineers 縮寫
6. HKIE為The Hong Kong Institution of Engineers縮寫
7. IET為Institution of Engineering and Technology 縮寫