[BS] 有啲乜考牌相關嘅趣聞軼事？

最經典一單故事莫過於千辛萬苦考到牌後自己主動搣返個牌。

是咁的，A先生响某大顧問做咗六、七年，終於排隊等到有公司大SIR肯簽佢去考。第一次肥咗，第二次終於成功。但又啱啱响呢個時候，佢收到政府Assistant Building Services Engineer嘅offer.
問題嚟喇，要定唔要呢個offer? 因為呢個offer寫到明入職條件係，不能夠已經擁有工程師牌，原文係咁寫﹕
「(1) 申請人如在獲聘時已取得香港工程師學會法定會員資格（於1975年12月5日後選取）或同等資格，將不會獲考慮聘用為助理屋宇裝備工程師。獲取錄的申請人必須就上述事項作出聲明。」
如果佢唔要呢個Assistant Building Services Engineer offer而直接報政府嘅正式Building Services Engineer位又得唔得？得嘅，不過成功率極低，EMSD約一年半開一次post, 大概100人爭一至三個位，兼且聽聞係consultant出身嘅後生靚女優先。政府工程師待遇有幾好大家都知，詳見政府工程師vs醫管局專科醫生一文。
政府Assistant Building Services Engineer呢個offer最吸引嘅地方係，只要佢入到去五年內成功考得返個牌，佢就自動成為正式嘅Building Services Engineer, 做到第三年已經月入十萬以上。
所以佢最終決定寫信去英國Engineering Council申請搣咗辛苦攞返嚟嘅牌要咗ABSE個offer, 呢個故事完全體現咗欲練神功，揮刀自宮嘅捨己為己精神。最後佢亦都如愿已償成功考得返個牌同入咗政府做正式BS Engineer.

**************************************

香港考BS牌嘅人好多都係收收埋埋神神秘秘唔願意比人知佢步署緊考牌，到成功咗之後就攞出嚟响Facebook曬命，甚至連自己最熟嘅朋友都唔願講唔分享，好似驚被多個人知就會有人搶佢飯碗咁。有次响顧問公司見有人响度做面試個powerpoint, 一見到人經過就即收起個版面，經過個人問佢係唔係搞緊考牌，佢死都話唔係，結果幾個月後佢就lastday同大家講已考到牌另謀高就。
有幾多人會好似本blog主咁，咁樂意無條件無保留同大家分享知識同考牌資訊，你地話係唔係？😀😀😀

**************************************

話說香港考牌係相當之講求簽你個人(即係sponsor)夠唔夠份量，詳見"香港考工程師牌第二步"。有人响一間顧問公司做咗十二年等足十二年，就係想等某個有份量級嘅坐board圈子中人幫佢做sponsor. 佢响公司都盡心盡力做事，但某份量級人物就多次以唔同理由例如佢錯grammar呀未夠料之類借口，總之就係唔肯幫佢做sponsor. 結果佢就係咁被職場PUA[1]咗十二年後，最終忍受唔到無底線嘅工作量OT同埋人工同市場嚴重脫節而離開，而某份量級人物到佢走嗰陣都係唔肯幫佢簽。 

**************************************

講返啲正能量啲嘅成功例子。
有BS人試過香港考CIBSE, 等咗年半都冇消息，打聽之下願來係唔知CIBSE HK Branch嗰邊定係考官搞唔見咗佢張分紙，最後佢成功pass咗(佢份Engineering Practice Report寫得甚爛，好多地方連基本engineering knowledge都錯)。
又有BS人報IMechE, 派咗個做車相關嘅考官比佢，入到去面試，考官直接同佢講﹕嗱，我做車嘅，BS嘢我都唔識點問你，你只要present得有文有路我就比你pass架喇。結果真係成功咗，人生中運氣係一個幾重要嘅成功因素。

**************************************

咁多年嚟見過唔少好有料又做得嘢嘅有十年以上顧問經驗嘅人，响香港面試都被考官玩死肥咗，試咗幾次都係咁直到最後轍底放棄；又有人好多基本BS嘢都唔熟嘅人膽粗粗去試又成功咗，就好似考車一樣，有啲人左右不分反應其慢一take pass; 有啲手車好熟但考幾次都肥。所以奉獻打算放棄考牌嘅人唔好放棄，只要你有料又肯堅持，大概率上總有機會遇到正常嘅考官。

**************************************

建議先讀前文"香港BS工程師牌之定義"，會更容易明下列內容。

話說自從2013年起有個領頭羊(茂梨哥)繞過CIBSE HK Branch去英國倫敦CIBSE總部考牌，因為佢觀察到香港考牌太多潛規則(潛規則包括Consultant出身最低限度有6-7年經驗以上，做Sub Contractor十年或以上先可能合格；做Main Con 的話就要廿年都未必比你過；要有業界猛人或圈子中人加簽更容易合格、做消防/消喉會被歧視、冇master會被歧視等等)，所以佢仿效Institution of Civil Engineers ICE班人搭飛機過英國考。
嗰陣英國CIBSE總部好錯愕以為佢填錯考試地址，點知佢原來真係香港讀書香港經驗但選擇英國考試，CIBSE英國總部負責人話，佢响度做咗十六年，第一次見有人係佢工作地方有CIBSE branch嘅情況下專登搭飛機飛半個地球去揀個陌生地方考試。
茂梨哥去之前遊說過最少三十人同佢一齊去試，但最終只有一個人信佢跟佢一齊去。最後佢地去到英國考成功咗一戰成名，以四年工作經驗一舉攞到MCIBSE+CEng打破晒香港咁多年嚟嘅考牌潛規則。佢成功後亦好樂於向同行人分享飛英國考以繞過香港嗰套潛規則嘅經驗，結果之後幾年越嚟越多人跟呢條路成功攞到英國牌，隨住越嚟越多人咁做，香港branch發現咗佢地被架空後就同英國CIBSE總部傾落閘，唔再比香港人飛英國考，佢地要求香港經驗嘅人一定要留返响香港考。最終CIBSE响2018年尾19年頭正式落閘，所有香港工作經驗嘅人不得再飛過英國考，只能留响香港原地考。即是話，2013年至2019年香港去英國CIBSE總部考試嘅考生，其實都係茂梨哥啲徒子徒孫。

故事未完，話說茂梨哥成功攞到MCIBSE+CEng後，佢同佢同行嘅朋友用RRAs轉返MHKIE時被捉返去重新考過(破壞咗香港嘅潛規則，有乜計)。冇聽錯，係full assessment, 即係由零開始重新考一次MHKIE.

茂梨哥即時硬住頭皮應戰，溫書學習大量練寫Essay, 最終成功咗；而佢同行嘅朋友就用咗駝鳥政策，唔去個翻閹試，等到六年幾後嘅2019年HKIE轉考試制度後佢重新入form RRAs, 由於佢已夠十年contractor經驗乎合咗香港嘅潛規則要求，成功免咗翻閹試攞到MHKIE.

**************************************

話說好多年前攞住個MSOE填份form就輕輕鬆鬆RRAs轉得返入去HKIE。不過今時唔同往日，MSOE已經唔被承認equivalent to MHKIE, 詳見"香港BS工程師牌之定義"。

又試過有段時間某啲HKIE嘅Discipline係好易入，主要係新開嗰啲discipline, 例如2006-2007年期間新開嘅fire discipline; 或2015-2016新開嘅energy discipline, 只要你填份form, 再識得人(入HKIE要四個簽名，兩個HKIE Fellow, 兩個同discipine嘅人(即係你申請energy discipline, 就要四個簽名入面有兩個都係energy discipline嘅人)。又試諗一下，唔識得圈中人點可能攞到呢啲新discipline嘅人嘅簽名？)，就輕鬆攞到MHKIE. 個人對呢種英式制度响香港水土不服嘅睇法詳見"考BS工程師牌第二步"一文。

近年無論MCIBSE+CEng轉MHKIE BSS, 或MIET+CEng轉MHKIE ELL, 或MIMechE+CEng轉MCL, 都有相當概率會被捉去交過晒啲文件及面試。六年前MIMechE+CEng轉MHKIE MCL係極少會被翻閹。詳見<考BS工程師牌最後一步>。

**************************************

好多人會問，SchemeA 對考牌有冇幫助？如果考英國牌，可以話係冇；如果直接考HKIE, 理論上係有幫助，因為有行Scheme A 的話大學後兩年Scheme A 加兩年經驗，共四年就考得；如果冇Scheme A的話就要大學後六年經驗先考得。何解話係"理論上有幫助？" 因為香港潛規則，就算你顧問底都要六、七年先比你pass, 除非你有特殊關係或背靠權力核心之類。

又有人問，Scheme A對你學工程知識個人成長有冇幫助？其實都冇，除非你遇到好人或你係女仔，否則係唔會有人手把手教你嘢。响好多公司度，Scheme A 只係廉價勞工Plotter Engineer, 學唔學到嘢係最終靠自己學習，唔好諗住可以靠人。遲啲再巽文分享有啲乜好嘅BS書可以讀。

**************************************

話說某香港顧問公司，考到牌會有"大獎"，係一個月比多五百大元現金獎賞；某A字頭顧問公司就好得多，考到牌會多七千蚊。不過跳槽個升幅可以去到30%或以上, 當然都要睇市道。見某登有啲人成日話charter咗先得35k-45k, 最大原因係佢地唔熟市場價，詳見<BS人工及地位>

**************************************

曾經响某單工程遇過一個卡片寫住MHKIE但廢到核爆嘅人，打死都唔信HKIE會收個咁嘅人。寫信去HKIE查下佢究竟係唔係真係HKIE會員，但佢地回覆係﹕呢啲係個人私隱，我地唔可以透露。從此以後學識咗樣嘢，寫spec.嗰陣要清楚寫明係要求R.P.E.(BSS), 因為只有R.P.E.係有法律保護同埋有得公開查冊，見工程師註冊管理局網站﹕https://www.erb.org.hk/

**************************************

註﹕

[1]: 職場PUA, 來源﹕MBA智庫百科
PUA，全稱是Pick-up Artist，這是起源於美國的“搭訕藝術”，原本是用於男女兩性交往的一套方法，後被引申為一種包含控制、操縱、凌虐他人精神的情感騙術。這個東西被別有用心的人利用，變成了用洗腦、誘騙、威脅、心理暗示等一系列精神控制手段，來欺騙異性的感情和錢財，甚至掌控對方的人生。施壓者打著“為你好”的幌子，通過“打壓-贊賞-打壓”的形式，使他人自尊受損、自我判斷和自我認知出現偏差，從而達到在精神控制他人的目的。被PUA者往往容易情緒低落、自卑、自我懷疑，甚至走向自我毀滅。這套控制方法的核心是，摧毀對方的自我判斷能力和意志，然後完全掌控對方。

職場PUA是指一系列精神控制方法，它多發生在上司和下屬之間，用來讓下屬喪失自我，摧毀你的自信心和判斷力，最終對公司唯命是從。職場PUA的表現通常是：
• “你太差了，什麼都做不好”——通過否定來實施精神打壓
• “你還年輕，不要想那麼多”——灌輸虛無縹緲的希望
• “在我手下工作是你的福氣！”——營造狂熱崇拜
• “這全是你的錯！”——顛倒是非，當眾羞辱 

職場PUA的常見手段

職場PUA一式：不斷否定
如果你的領導或老闆一味地否定你的作品或方案，卻從不提建設性的建議，不用懷疑，那就是PUA無疑。他們通過口頭上的不斷否定，以此降低員工的自尊，“調教”出聽話的員工，獲得員工的無條件服從。

職場PUA二式：人身攻擊
通過不斷否定，摧毀你的自尊，通過人身攻擊，讓你無處遁形。所以最後被職場PUA的受害者，早就忘記了反抗，甚至認同了對方的評價。 

職場PUA三式：製造焦慮
職場PUA還有一式，就是製造恐懼、焦慮。
“經濟寒冬到來了，同行業的很多公司都在裁員，很多年前裸辭的人現在還待在家。”
“你們要反思一下，公司如果現金流緊張，那麼被降薪、裁員的那個是不是你？”
“外面大環境那麼不好，你應該感激能夠在這裡工作，因為很多人想進來都進不來。” 

職場PUA四式：設置無法完成的目標
還有一種職場PUA，就是給你設置一個根本完不成的任務，並且時間很緊，不給你質疑和申辯的機會。這一類的職場PUA，往往伴隨著命令式的語氣和權力上的碾壓，通過恐嚇和脅迫，剝奪員工的個人意志，讓員工無條件地服從。 

職場PUA五式：美化壓榨
PUA第五式，打著“給機會”、“看重你”的名義，理所當然地壓榨你。譬如要求你24小時隨時候命，三更半夜發微信給你詢問工作的事，把你的加班視作理所當然。