HKIE Eng BIM Pro 係乜嚟？簡單嚟講，可以睇成係 HKIE 新開嘅 BIM 證書；但其價值、作用可以話係零。有 MHKIE 嘅朋友想攞 BIM 相關資格的話，直接考 CCBM 好過。 先講認受性。一個專業資格或證書，最起碼可以 O-Chart 上名。但發展局 DevB 由2019年12月嘅 Technical Circular DEVB TC(W) No.9/2019 開始，直到最新嘅2023版本，都寫得好清楚，上名嘅 BIM Manager 只認 CCBM [1]。Eng BIM Pro 又等唔等於 CCBM? 唔等於，攞完係要再過 CIC Secretariat / BIMCAB [2]。舉個可能唔太恰當嘅比喻，就有啲似你攞完 MCIBSE CEng RRA 返 MHKIE(BSS)，表面上係有互認機制，但實際上係可能會被「翻閹」[3] 並拒絕 RRA 申請。Eng BIM Pro 嘅地位大概就係 AMHKIE 或 IEng，試問有邊個僱主或工程合約會需要呢啲次等資歷？ 既然冇僱主或工程合約上嘅認受性，咁會唔會易過直接攞 CCBM? 答案係唔會。分析一下兩者嘅硬條件，直接攞 CCBM 也好，攞Eng BIM Pro 都好，都係要 MHKIE + 兩年認可 BIM 經驗 + 讀認可嘅 BIM Manager 課程，兩者都一樣。最大分別係，嗰個課程嘅價錢，攞 Eng BIM Pro 只能選擇 VTC “Certificate for Building Information Modelling Manager” (EG424129Q) 呢個價值 $15,000 嘅貴價課程；但攞 CCBM 的話可選擇嘅課程就多得多兼平得多，可參閱 CIC-Accredited BIM Manager Courses Register [4] 。錢比多咗，個附加價值响邊？究竟係唔係 HKIE Eng BIM Pro 嘅起壇人有意或無意當 HKIE 會員水魚咁劏？
考 Eng BIM Pro 會唔會比考 CCBM 容易咗？Assessors 方面，Eng BIM Pro 係兩個 有 CCBM certification 嘅 MHKIE；而考 CCBM 的話係三個有 CCBM certifications 嘅人，其中一個係 Chairperson，筆者坐過唔少次 Chairperson 位，兩者呢方面分別不大。但 Eng BIM Pro 嘅 assessors 肥咗你，係直接判你死刑不得上訴，CCBM 起碼叫有上訴嘅機會。 再睇考 Eng BIM Pro 嘅 competence criteria, 基本上都係 HKIE 嗰套，鐘意用一堆模糊嘅標準 [5]，如 "Expertise to serve as a BIM Team Leader in Engineering Practice" "Proficiency in advising or deciding on the BIM Uses" [6] 等等。點先叫 Expertise Engineering Practice? 用 BIM 夾過 3D 解決過碰撞算唔算？用 BIM export 個 model 出嚟做 CFD 又算唔算？筆者前文分享嘅如何用 BIM 計 Cooling Load HK local practice [7] 又算唔算數？HKIE 個 panel 可以一句就話呢啲唔算 Expertise Engineering Practice，只係算 Coordinator / Technician 嘅技術，一句說話就踢你出局。至於 "Proficiency in advising or deciding on the BIM Uses" 就更加搞笑，筆者comment 過 HKIE Eng BIM Pro 起壇人F君以 Project BIM Manager 身份提交嘅 BIM Execution Plan BEP，我可以好負責任咁講，對比起市面上同類嘅 BEP，佢做嗰份嘢只有小學生水平；而佢對合約 BIM Uses 嘅理解可能連一知半解都算唔得上。早於年零前 HKIE Eng BIM Pro 準備起壇嗰陣，筆者曾主動提出協助，睇下有冇得優化呢件事。但人地有心玩小山頭黑箱作業，點會show我；我亦曾向HKIE會長投訴，成件事個規章流程都含糊不清，當然亦唔會有回覆。再換個角度，其實係唔難理解起壇人何解要刻意模糊化個標準，越模糊不清，就越容易排除異己或放自己想放嘅人入去之餘，又冇手尾跟。 總括嚟講，各 HKIE 會員，與其花更多嘅錢、精力及時間去攞張次一等嘅冇用證書，倒不如直接攞 CCBM 算。
[1]: 2017年5月嘅發展局 Technical Circular DEVB TC(W) No.7/2017 係曾經認過MHKIBIM，但到2018年12月嘅下一份 Technical Circular
DEVB TC(W) No.18/2018 已經刪除咗。
[2]: HKIE CPD: How to obtain HKIE certification of Eng BIM Pro:
[3]: 見筆者前文﹕<HKIE RRA形同虛設 之 考官自訂遊戲規則>
[4]: CIC-Accredited BIM Manager Courses Register: https://www.bim.cic.hk/en/certification_and_accreditation/accreditation_manager_cic_accredited_bim_managers_register?sort=end_date&page=1&q=&class=down&order=desc
[5]: 見筆者前文﹕<為何被 HKIE fail 嘅考生會唔服氣> ;
[6]: HKIE: Seminar on Certification of BIM Qualification
[7]: 見筆者前文﹕<可以點用BIM軟件計cooling load>
沒有留言:
發佈留言