BS用BIM做5D Quantity Take Off QTO要注意啲乜？

背景﹕一般業主同機電顧問之間嘅合約，係會要求佢地做5D BIM。 做 5D BIM 有乜好處？可以大大節省QS同事們收到tender drawings後做QTO嘅時間。傳統上佢地可能係要收到張 AutoCAD / PDF 圖紙後，逐條喉去拉長度、逐個曲去數；但今日只要機電顧問做好個BIM後掟比QS同事，就可以直接由個BIM讀得晒上述嘅數。 機電顧問 Design Stage 嘅 5D BIM 要做啲乜？合約一般會有幾句類似嘅嘢﹕"To improve speed and accuracy on quantity take off (QTO) and cost estimating through use of the digital 3D BIMs" “The Consultant shall ensure that BIMs are developed and used according to the approved BIM BEP and approved Modelling Methodology for quantity take off (QTO) by the Quantity Surveyor.” 即係機電顧問需要做一個啱標準、比到 QS QTO 用嘅BIM。記得幾年前某大機電顧問嘅BIM Manager拒絕跟QS嘅要求做BIM，佢話合約唔包呢樣，明顯係講唔通。 點為之啱標準、比到 QS QTO用嘅BIM？呢個時候就要參考HKIS出版嘅"BIM Measurement Information Requirements MIR by Quantity Surveying Division, HKIS"[1]。 裡面講咗啲乜？本MIR幾百頁，筆者唔逐項go through，只抽一個與BS相關嘅實例出嚟講解。只要明咗呢個例子，就會一理通百理明。 以 above ground drainage 為例，機電顧問做BIM嗰陣需要比到以下嘅資料QS同事，包括﹕
- System Type (即係 Rain Water Pipe RWP、定係 Waste Pipe WP 嗰啲)；
- Material (做 Family 嗰陣會跟System Type set定，記得要跟啱 BS spec. 去 set，唔能夠就咁用軟件啲 default setting )、- Size (唔難理解，跟工程師設計揀返啱個 size 就得；
- Length (畫完條喉軟件會自動出個長度比你) 跟住QS就能夠通過BIM自動生成個schedule出嚟，逐條喉顯示又得，group埋某種類及尺寸嘅喉加起嚟有幾長等等亦得。 至於MIR冇詳列嘅例子，機電顧問就要同QS溝通，睇下佢地需要個BIM包含邊啲Attributes或點做，佢地先做到QTO。再次重申，機電顧問係有責任配合QS嘅要求。 筆者有時都好感慨，點解人地隔離 HKIS 有咁多有心人為學會做實事，division head 係會召集班義工花無數人力物力出本幾百頁嘅 standards guidelines ，但我地 HKIE BSS 成個網站空空如也 [2]；chairman 每年嘅工作報告大概都只係搞咗某啲CPD及聚會 [3]。我兩個月前跟HKIE會長探討過呢個問題，何解HKIE好似係一個商會而唔係學會，乜學會唔應該好似CIBSE或人地HKIS咁，出guidelines standards咩？點解任何時候打開本HKIE月刊幾乎只有商家嘅廣告？ 慶幸嘅係，會長大方承認呢個問題係存在，並承諾會積極改進。期望以後嘅莊係落地做實事用心經營學會，而唔係唱傲程或貼啲一字排開嘅活動相當做咗嘢。[4] 上述內容節錄自筆者以講師身份為HKU碩士課程 (University of Hong Kong - Department of Electrical & Electronic Engineering - ELEC/EMEE7014 BIM FOR E&M ENGINEERS) 預備之講稿 [1]: HKIS Measurement Information Requirements MIR direct download link: https://www.hkis.org.hk/ufiles/BIM-Measurement-Information-Requirements-by-Quantity-Surveying-Division.pdf
[2]: HKIE Building Services Division: https://www.hkie-bsd.org/en/publication.php?wid=26&cid=2 ; Publicaiton 嘅第二頁已經 404 error [3]: HKIE Building Services Division Past Session: https://www.hkie-bsd.org/en/content.php?wid=4
[4]: 據某個曾經上過HKIE BSS莊嘅朋友先講，上莊嘅人好多只係為咗刷CV刷linkedin刷公職，唔係為咗做實事幫個業界