[BS] 問﹕响香港考BS工程師牌，第一步要點做？

 答﹕

首先你要確定你有一個被認可嘅學歷。

一般而言，除咗政府嘅Assistant Building Services Engineer或某啲有特殊權力/關係網嘅人會直接考香港牌外，主流做法都係會先考英國牌，然後先再通過Reciprocal Recognition Agreements (RRAs) 專業資格互認協議攞埋個香港牌。至於點解，同埋何謂"香港牌""英國牌"，詳見舊文﹕[BS] 問﹕响香港BS業界有時會聽到"某某人有工程師牌"，點先算係"有工程師牌"？

响網上討論區甚至係Youtube channel都有人為"考牌需唔需要讀master"呢件事爭拗，我以下會抽絲剝繭詳細說明。

我暫時只攞MCIBSE+CEng作為例子；如果讀者係打算攞MIET+CEng或MIMechE+CEng都可以用同樣嘅思路分析。

我地先睇下攞MCIBSE+CEng需要啲乜條件。

去到CIBSE官方網站後，篤"Membership">"Find your Grade">"Member Grade">"MCIBSE Application Guidance and Criteria", 篤落去，係一份叫"Application Guidance of Member (MCIBSE)"嘅pdf文件，係最新官方2021年version, 跟住碌落第二版，你會見到"Exemplifying qualification for CEng", 有六個條件，第五及六項香港一般都冇乜機會用到，第三項都應該唔太可能用得著(斷估咁senior嘅朋友唔會睇呢個blog)。所以只有第一、二、四項係要注意，但都指出係要有Master, 見下圖﹕

咁何解youtube or forum咁多人話只要係Washington Accord accredited Bachelors' degree (簡單嚟講即係本地大學學位課程，之後會詳細講解)，就唔需要讀master?

係因為上年CIBSE 改咗政策，睇返舊版本嘅"Application guidance for Member (CIBSE) Factsheet M20", 官網已經冇咗呢分嘢，但全能嘅google暫時仲可以搵到。見下圖﹕

留意下新版本同舊版本第四項關於"Washington Accord"嘅分別。

新版本係: "Washington Accord accredited Bachelors' degree. (Further learning to Masters' level is required from 2015 intake)"

舊版本係﹕"International agreement (Washington Accord) overseas qualifications"

即係以前只要有Washington Accord accredited Bachelors' degree的話，係冇master嘅要求，但今時唔同往日，2015年後入學嘅人，係要有master作為further learning, CIBSE認邊啲further learning嘅master, 後面會再講。

之後講解何謂Washington Accord accredited Bachelors' degree.

話說香港工程師學會同一堆國家嘅工程師學會，包括英國Engineering Council、澳洲Engineers Australia等，簽署過一個工程學歷互認協議，叫做Washington Accord華盛頓協議(注意，呢個協議只係互認工程學歷，並唔係互認工程師資格)。

咁响香港邊啲學歷係响Washington Accord入面？去香港工程師學會嘅官方網站就可以睇到，"Home">"HKIE Qualifications">"Our Qualifications">"Lists of Accredited / Recongnised Programmes", 我地就試下揀"The Hong Kong Polytechnic University"篤入去睇睇，會先出咗一版寫住"List of Engineering Degree Programmes Accredited by the HKIE as at 23 November 2021 (Washington Accord)", 即係裡面課程就係Washington Accord簽署成員所承認，當然包括HKIE及英國Engineering Council. 再篤入去會出個pdf列出一系列嘅Degree課程，再以當中BEng (Hons) Degree in Building Services Engineering (JUPAS Programme Code JS3753)為例子。但呢個好明顯就係BS相關嘅degree, 照計只有HKIE嘅Building Services Discipline BSS承應，斷估唔會連HKIE Structural Discipline都承認掛？但我地點知？呢個時候我地就要再搵其他資料分析。

我地再去返香港工程師學會嘅官方網站，"Home">"HKIE Qualifications">"Training Schemes">"Scheme "A" Graduate Training">"Discipline Matching Results for Accredited Degrees">"The Hong Kong Polytechnic University 2018 Graduates onwards", 拉落第15頁，就會見到Eligible Discipline(s)嗰項，只有Building Services Discipline BSS 及 Environmental Discipline ENV先承認。

之後要再睇埋HKIE官網嘅"Information on Admission to Specific Discipline" "Admission Requirements for the Building Services Discipline", 如果係大學Degree讀Mechnical or Electircal嘅讀者又想入HKIE BSS, 就要多30個鐘嘅top up 課程响HVAC, EL, FS, UU, Lighting, Project & Engineering Management.

講完香港工程師學會HKIE認啲乜學歷，我地又返返去睇下CIBSE認邊啲香港嘅Master programme.

去CIBSE主頁>Home > Membership > Accredited Courses > List of Accredited Courses > Accredited as Further Learning, Search "Hong Kong", 就會見到以下嘅香港master programme係被認為係"Further Learning", 即係你要有一個HKIE承認嘅Degree, 再加埋下列嘅其中一個Master, 先至滿中剛開始所講新版本嘅第四項。當然，如果你呢個Degree係2015年之前入學，就冇咁嘅需要 (至於到考牌嗰陣面試官點睇一個冇master嘅考生，又係另一回事)。

如果你個Degree係不被HKIE承認，仲有一條路，就係補返個CEng認可嘅master。Click CIBSE主頁> Home > Membership > Accredited Courses > List of Accredited Courses > Accredited for CEng. 當中有一個course係可以滿足到academic requirements for CEng:

由放上述嘅資料有可能會過時，所以最好都係去 Engineering Council 嘅網頁double check多次:

總結﹕

如果你想考BS工程師牌

- 2015年前入學HKIE認可嘅學位，可以唔需要master直接考MCIBSE+CEng, 然後再RRAs轉HKIE(BSS);

- 2015年後入學HKIE認可嘅學位，就要去補返個CIBSE認可嘅 Accredited as Further Learning 嘅master再考；

- 如果只有HKIE認可嘅學歷，但又唔想花幾廿萬讀個master, 係可以選擇直接考HKIE (筆者作為窮鬼嘅一員，相對推薦呢個方法，背多啲書練下寫英文就慳返廿萬兼幾年時間；但呢個方法要面對嘅挑戰係搵夠 1 HKIE Fellow + 3 Member簽名，兼要即場考Essay);

- 如果連HKIE認可嘅學歷都冇，最快嘅方法只有補返個CIBSE認可 Accredited for CEng 嘅master.

-----------------------------------------------------------------------------------------------------

如果你好想入政府的話，出路上ELL>MCL>BSS, 見下表唔同政府部門會請嘅HKIE(BSS/ELL/MCL)位﹕

	CIBSE/HKIE(BSS)	IET/HKIE(ELL)	IMechE/HKIE(MCL)
Building Services Engineer (Housing Authority / EMSD)	🗸	🗸	🗸
Mechanical Engineer (WSD)			🗸
Electrical Engineer (WSD)		🗸
Electrical & Mechanical Engineer (EMSD / ITC)		🗸	🗸
Shift Charge Engineer (EMSD)		🗸	🗸
Telecommunications Engineer (OCFA / RTHK)		🗸

只有房署及機電工程署係會請 HKIE(BSS) 出身嘅 Building Services Engineer; HKIE(ELL) or HKIE(MCL) 除咗可以同HKIE(BSS)爭飯碗外，仲可以報埋WSD / EMSD / ITC / OCFA / RTHK 嘅 Engineer 位。