為何幾乎冇人參加HKIE嘅導師計劃Mentorship Scheme？

先簡單講下HKIE嘅導師計劃 Mentorship Scheme 係乜嚟。大概就係會有一個 C+10 以上及有做考牌官經驗嘅MHKIE，義務地用兩年時間指導考生預備考牌。筆者係呢個 scheme on list mentor 之一；筆者願意做義工嘅原因都好簡單，就係選擇用實際行動去回饋業界，而唔係埋堆唱傲程自high自娛完就當自己為業界做咗嘢。 呢個 Mentorship Scheme 今時今日嘅情況如何？據HKIE會長於2024年2月表示，全港只有大約只有三十人報名。按比例估算，報BS相關嘅人，全港加埋可能連十個都冇。 係乜原因做成上述現象？筆者認為最主要原因係，根本就冇乜人打算直接考MHKIE，近年嚟絕多數人都係繞道外國學會考牌然後RRA返HKIE [1]。 又係乜原因做成冇人願意直接考MHKIE? 筆者前文提及過 [2]，大概就係無清晰嘅考試範圍及合格標準、考官經常以個人主觀喜好或潛規則 pass or fail 考生，考生冇信心佢地面對嘅考試係公平公開公正，呢度就唔再重複。 筆者認為，如果參加 Mentorship Scheme 嘅考生，可以獲得某方面嘅豁免，如免1F3M簽名為2M、或免即場考essay、又或寫明參加者見mentor可以計CPD等，或者更能吸收考生參與。 另外，HKIE亦需要檢討呢個 Mentorship Scheme 係想達到乜目的。係唔係想增加直接考HKIE嘅人數？唔解決上述問題，再開多十個類似嘅 Scheme 都唔會有人會直接報考HKIE；還是想增加合格率？係的話有冇相對應嘅KPI? 抑或減低簽名門檻？係唔係要顧及埋行業中做細公司、埋唔到堆儲簽名[3]嘅考生？呢個 Mentorship Scheme 嘅參與者係唔係應該有所篩選，例如比一啲冇機會參與 Scheme A 嘅考生優先？與此同時，鼓勵有得行 Scheme A 嘅大公司負返起部份Train考生考牌嘅責任？此外，HKIE宣傳方面係唔係都要都要花多啲心思？社交媒體上見到HKIE嘅post，好多時就係一班人排排企影張相，然後一兩句交待呢個係乜活動就完，冇份參與或出席嘅人係難以投入或進一步理解。 就以 Mentorship Scheme Mentor - Mentee Networking Session 為例 [4]﹕

社交媒體上嘅呢兩張相究竟想表達啲乜？係唔係想同業界講，呢個 Mentorship Scheme 好冷清，得小貓三四隻，冇年輕會員願意參與？睇完嘅人知唔知發生緊乜事？係唔係可以用文字故事性啲去表達？有冇諗過想入行嘅人上完HKIE官方社交媒體，見嚟見去都係一棚人一字排開影嘅相，會有乜感想？

[1]: <以真實數據揭示獲得MHKIE的時間>，90%人係通過RRA獲得MHKIE(BSS/MCL/ELL)

[2]: <HKIE RRA形同虛設 之 考官自訂遊戲規則> ; <為何被HKIE fail嘅考生會唔服氣？>

[3]: <考牌的禁忌話題 - 買簽名？>

[4]: HKIE Mentorship Scheme: https://hkie.org.hk/en/membership/download_mentorship_scheme/, https://www.facebook.com/TheHKIE/posts/pfbid02MFard6e2ZxMzwJtMwioRc26H7PMGvmzTQPMegCyvUMhFFcdxkPNfY7suVe1CD4Jvl